Fyrsta áfanga byggingar nýs leikskóla á Seltjarnarnesi lokið

Fyrsta áfanga í byggingu nýs leikskóla á Seltjarnarnesi, Undrabrekku, er nú lokið en húsið er formlega komið undir þak. Þessi áfangi markar mikilvæg tímamót í framkvæmd verkefnisins, sem stefnt er að ljúka sumarið 2027.

Í tilefni af þessum áfanga bauð verktakafyrirtækið Aðalvík til reisugillis á verkstað fimmtudaginn 7. maí síðastliðinn. Starfsfólk leikskólans fékk þar tækifæri til að skoða húsnæðið, sem mun hýsa átta leikskóladeildir. Að sögn viðstaddra þótti rýmið mikið og bjart, með háu til lofts.

Framvinda framkvæmda

Tímaáætlun framkvæmdarinnar hefur staðist samkvæmt áætlun. Um þessar mundir er unnið að því að glerja húsið að fullu til að loka því, og steypuvinna við útisvæðið er að hefjast. Bæjarbúar hafa tekið eftir því hversu hratt húsið rís og hvernig götumyndin breytist stöðugt.

Verklok uppsteypunnar og þessi fyrsti áfangi byggingar Undrabrekku gerðu verkefnið raunverulegra og var mikil gleðistund fyrir alla þá sem komið hafa að framkvæmdinni.