Viljayfirlýsing um stækkun Garðavallar undirrituð á Akranesi
Golfklúbburinn Leynir á Akranesi og Akraneskaupstaður hafa undirritað viljayfirlýsingu um stækkun Garðavallar úr 18 holum í 27 holur. Leynir er einn elsti golfklúbbur landsins og var völlurinn opnaður sem 18 holu völlur árið 2000.
Í tilkynningu kemur fram að markmið samningsaðila sé að tryggja framtíðarþróun Garðavallar sem öflugs íþrótta- og útivistarsvæðis. Þar verður tekið mið af þörfum golfíþróttarinnar, almennrar útivistar, náttúru og samfélagslegs ávinnings.
Næstu skref fela í sér stofnun starfshóps með fulltrúum beggja aðila til að vinna málið áfram innan stjórnsýslunnar. Stjórn Leynis mun í samstarfi við vallarnefnd klúbbsins skipa nefnd sem mun taka upp hugmyndir sem lagðar voru fram fyrr á kjörtímabilinu. Verkefnið er langtímaverkefni og mun uppbygging ráðast af fjármagni og mannafla. Samtal við félagsmenn verður virkt á verkefnatímanum, meðal annars í formi félagsfunda.
Sjá nánar: skagafrettir.is
