Vilja byggja upp nýtt hverfi
Bæjarráð Grundarfjarðar hefur samþykkt að kanna áhuga markaðsaðila á þróun og uppbyggingu ÍB-6-svæðisins vestast í bænum.
Bæjarráð Grundarfjarðar hefur samþykkt að kanna áhuga markaðsaðila á þróun og uppbyggingu ÍB-6-svæðisins vestast í bænum við Grundargötu. Verkefnið snýr að því að kanna áhuga einkaaðila á því að byggja upp nýtt hverfi sem gæti rúmað allt að 46 íbúðir.
Þetta er gert í ljósi áhuga aðila í íslensku atvinnulífi á uppbyggingu í Grundarfirði, meðal annars í ferðaþjónustu. Bæjarráð samþykkti í júní viljayfirlýsingu um mögulega uppbyggingu ferðaþjónustu, þar á meðal baðlón og lúxushótel. Einnig er verið að skipuleggja atvinnulóðir á hafnarsvæðinu.
Heimild: mbl.is