Fasteignakaup og nýtt húsnæði Verklagna að Krókhálsi 5A

Verklagnir ehf., sem sérhæfir sig í innflutningi og sölu á varmadælum og lagnakerfum, opnaði nýlega nýtt húsnæði að Krókhálsi 5A í Reykjavík. Fyrirtækið festi kaup á fasteigninni á árinu, sem er mikilvægur áfangi í uppbyggingu þess.

Í nýja húsnæðinu eru skrifstofur og sýningarsalur fyrirtækisins. Verklagnir reka einnig vöruhús í Mosfellsbæ sem þjónustar viðskiptavini um allt land.

Fyrirtækið var upphaflega stofnað sem pípulagningafyrirtæki af Gunnlaugi Jóhannessyni og Elínu Pétursdóttur. Árið 2011 færðist áherslan yfir í verslun og innflutning.

Viðskiptavinahópur Verklagna er fjölbreyttur og nær til einstaklinga sem og stærri verkefna á borð við hótel, fjölbýlishús og verslunarmiðstöðvar.