Veituframkvæmdir í Akurholti

Endurnýjun á hita- og vatnsveitu í Akurholti, einni elstu götu Mosfellsbæjar, er nú hafin. Ástæða framkvæmdanna eru endurteknar bilanir í eldri lögnum. Nýju heimæðarnar verða tengdar beint við hverja heimreið, sem er breyting frá fyrri lögnum þar sem heimæðar voru sameinaðar og lagðar yfir lóðir.

Verkinu er skipt í þrjá áfanga. Fyrsti áfanginn er þegar hafinn með uppsetningu á nýjum tengibrunni fyrir götuna. Vinna er einnig hafin við annan áfanga fremst í götunni og er gert ráð fyrir að þriðji og síðasti áfanginn hefjist í september. MosVeitur vinna verkið í samvinnu við íbúa og munu hafa samband við þá eftir þörfum.

Áður hafa farið fram sambærilegar veituframkvæmdir í Lágholti og Markholti. Gera má ráð fyrir frekari endurbótum á eldri götum bæjarins á næstu árum. Íbúar sem skráðir eru á vef 1819 fá SMS tilkynningar um framvindu framkvæmdanna.

→ Lesa upprunaleg frétt á vef Mosfellsbær

Heimild: Mosfellsbær