Vegagerðin býður út nýbyggingu Búðafossvegar og brú yfir Þjórsá

Vegagerðin býður út nýbyggingu Búðafossvegar, á um 7,4 km löngum kafla frá Þjórsárdalsvegi í Skeiða- og Gnúpverjahreppi að Landvegi í Rangárþingi – Ytra, undir útboðsnúmeri 24-029. Í verkinu er innifalin gerð malbikaðs hringtorgs á gatnamótum Þjórsárdalsvegar og Búðafossvegar, auk tengivega og heimreiða á fjórum stöðum, alls um 2,6 km. Byggja skal nýja 204 metra langa brú yfir Þjórsá, staðsetta norðaustan við Búðafoss. Vegna fiskgengdar eru skorður settar á vinnu í farvegi Þjórsár sem hefur áhrif á byggingu varnargarða. Einnig skal setja upp tvenn reiðgöng, Ø3,6 m, úr stálplötum, önnur ræsi og búfjárgöng, girðingar, ristarhlið, ljósastaura og annan vegbúnað í samræmi við teikningar. Útboðsgögn eru aðgengileg í rafræna útboðskerfinu TendSign frá 17. júlí 2026. Skilafrestur tilboða er 22. september 2026 kl. 14:00 og opnun tilboða fer fram kl. 14:15 sama dag.

Útboðið er birt á: utbodsvefur.is