Vaðölduver fer brátt í gang
Fyrsta vindmylluver landsins, Vaðölduver, er á lokastigi uppsetningar og verður sett í gang fljótlega. Allar fjórtán vindmyllurnar sem rísa á þessu ári eru komnar í tækniprófun.
Vaðölduver, fyrsta vindmylluver landsins, er á lokastigi uppsetningar og verður sett í gang fljótlega.
Allar fjórtán vindmyllurnar sem rísa á þessu ári hafa verið settar upp og eru nú í tækniprófun. Næsta skref er að gangsetja þær.
Alls verða vindmyllurnar 28 og er ráðgert að þær verði komnar í fulla framleiðslu fyrir lok næsta árs. Samkvæmt tilkynningu Landsvirkjunar munu fyrstu myllurnar byrja að framleiða raforku inn á kerfið um miðjan þennan mánuð.
Framkvæmdir við verkið hófust í maí. Vindmyllurnar eru um 150 metra háar þegar spaðarnir eru í hæstu stöðu.
Heimild: RÚV