Verðfyrirspurn – SÆBRAUT – JARÐVINNA OG LAGNIR
Sveitarfélagið Hornafjörður óskar eftir tilboðum í jarðvinnu og lagningu regnvatnslagna í hluta Sæbrautar á Höfn í Hornafirði. Verkið felur í sér uppgröft, lagningu lagna, brunns og niðurfalla.
Sveitarfélagið Hornafjörður hefur óskað eftir tilboðum í jarðvinnu og lagningu regnvatnslagna í hluta Sæbrautar á Höfn í Hornafirði.
Verkið felur í sér uppgröft, lagningu regnvatnslagna, brunns og niðurfalla. Einnig skal tengja nýjar regnvatnslagnir við núverandi brunn í götunni.
Verktaki mun sjá um að útvega lagnaefni, leggja lagnirnar, sanda kringum þær og fylla í lagnaskurðinn og að brunni, auk þess að jafna út fyllingu og ganga frá yfirborði. Umfram efni sem fellur til við uppgröft skal jafna út við hlið lagnaskurðar.
Lagnirnar liggja alfarið í núverandi götu sem er með bundnu slitlagi, nánar tiltekið klæðingu. Gert er ráð fyrir að gatan verði malbikuð haustið 2026 og þarf verktaki að samræma vinnu sína við umsjónarmann verkkaupa.
Verkið skal hefjast um leið og tilboð hefur verið samþykkt og því skal vera að fullu lokið eigi síðar en 1. október 2026. Tilboðsfrestur rennur út 20. ágúst 2026 kl. 14:45.
Gögn eru afhent rafrænt án endurgjalds með því að senda tölvupóst á utbod@hornafjordur.is eða til vara á trausti@hornafjordur.is. Fyrirspurnir skulu berast í síðasta lagi fjórum virkum dögum fyrir opnunardag tilboða á netfangið trausti@hornafjordur.is.
Heimild: Útboðsvefur.is