Útboð – þak Stjórnsýsluhússins á Ísafirði
Stjórn Stjórnsýsluhússins á Ísafirði hefur hafið útboð vegna endurbóta á þaki hússins. Verkið felur í sér nýja álklæðningu og endurnýjaða einangrun á 750 fermetra þakflöt.
Stjórn Stjórnsýsluhússins á Ísafirði óskar eftir tilboðum í umfangsmiklar endurbætur á þaki hússins. Ísafjarðarbær fer með auglýsingu útboðsins fyrir hönd stjórnarinnar.
Verkið felur í sér að fjarlægja núverandi þakklæðningu, krossvið og einangrun af steyptri plötu. Í staðinn verður sett ný, læst álklæðning ásamt endurnýjaðri þakeinangrun. Samtals er um 750 fermetra þakflöt að ræða.
Efla hf. sér um framkvæmd útboðsins sem útboðshaldari fyrir húsfélagið. Útboðsgögn verða afhent rafrænt frá og með 2. júlí 2026 klukkan 9:00. Tilboðum skal skilað fyrir klukkan 11:00 þann 16. júlí 2026, en þá verða þau opnuð í bæjarstjórnarsal Stjórnsýsluhúss Ísafjarðarbæjar, Hafnarstræti 1, 2. hæð. Verkinu á að vera að fullu lokið eigi síðar en 30. nóvember 2026.
Heimild: Útboðsvefur.is