Stóra-Hraun Öryggisfangelsi – Jarðvinnuframkvæmd
Framkvæmdasýslan – Ríkiseignir (FSRE) óskar eftir tilboðum í jarðvinnu fyrir nýtt öryggisfangelsi að Stóra-Hrauni í sveitarfélaginu Árborg, fyrir hönd Dómsmálaráðuneytisins. Um er að ræða almennt útboð sem auglýst er á evrópska efnahagssvæðinu. Nýja
Framkvæmdasýslan – Ríkiseignir (FSRE) óskar eftir tilboðum í jarðvinnu fyrir nýtt öryggisfangelsi að Stóra-Hrauni í sveitarfélaginu Árborg, fyrir hönd Dómsmálaráðuneytisins. Um er að ræða almennt útboð sem auglýst er á evrópska efnahagssvæðinu.
Nýja fangelsið er hannað til að rúma 128 afplánunarfanga og mun leysa af hólmi núverandi fangelsi að Litla-Hrauni. Staðsetning þess hefur verið valin í landi Stóra-Hrauns, með aðkomu frá Gaulverjabæjarvegi (33).
Verkinu er skipt í tvo áfanga. Í fyrri áfanga verður lögð áhersla á almenn fangarými fyrir 56 fanga, skólabyggingu, eina vinnustofu, vöruhús, hliðbyggingu og gesta-/starfsmannabílastæði. Seinni áfanginn felur í sér byggingu öryggisdeildar fyrir 16 fanga, fyrirmyndardeildar fyrir 56 fanga, annarrar vinnustofu, starfsmannahúss og sérstakra starfsmannabílastæða.
Jarðvinnuframkvæmdin felur í sér aðstöðusköpun, uppsetningu vinnubúða, vegagerð, lagningu veitna og rafstrengja, afvötnun svæðis, jarðvinnu fyrir mannvirki fyrsta áfanga, fyllingar, jarðvegsskipti og uppsetningu ytri netgirðingar. Útboðsgögn verða afhent 25. júní 2026 kl. 09:59 og skilafrestur tilboða er til 20. ágúst 2026 kl. 12:00. Tilboð verða opnuð 20. ágúst 2026 kl. 13:00.
Heimild: Útboðsvefur.is