Hópið – Markaðskönnun

Grindavíkurbær, í gegnum Consensa, hefur auglýst markaðskönnun vegna undirbúnings þjónustusérleyfis um uppbyggingu og rekstur sýningar- og ferðaþjónustu í Hópinu, Austurvegi 3C í Grindavík. Hópið er fyrrum knatthús í eigu bæjarins sem skemmdist í náttúruhamförunum í Grindavík. Til skoðunar er að nýta húsið og sýnileg ummerki hamfaranna til sýningar og tengdrar ferðaþjónustu, en þetta tengist jafnframt áformum bæjaryfirvalda um Végarð og frekari uppbyggingu í Grindavík.

Markmið könnunarinnar er að kanna áhuga markaðsaðila á verkefninu og afla upplýsinga sem nýtast við afmörkun þess og mótun útboðs- og samningsskilmála. Sérstaklega er óskað eftir sjónarmiðum um fyrirkomulag starfseminnar, fjárfestingu, samningstíma, aðkomu Grindavíkurbæjar, áhættuskiptingu og endurgjald. Einnig er leitað eftir mati á áhrifum uppbyggingar Végarðs á áhuga markaðsaðila og rekstrarforsendur verkefnisins. Skilafrestur á upplýsingum er til 24. nóvember 2026.

→ Sjá útboð á Útboðsvefur.is

Heimild: Útboðsvefur.is