Færanlegar húseiningar fyrir Hjúkrunarheimilið Hlíð
Framkvæmdasýslan – Ríkiseignir (FSRE) hefur auglýst eftir tilboðum í fullnaðarhönnun, útvegun, smíði, flutning, uppsetningu og frágang færanlegs skrifstofuhúsnæðis við Hjúkrunarheimilið Hlíð í Austurbyggð 17 á Akureyri. Verkið er unnið fyrir hönd Fél
Framkvæmdasýslan – Ríkiseignir (FSRE) hefur auglýst eftir tilboðum í fullnaðarhönnun, útvegun, smíði, flutning, uppsetningu og frágang færanlegs skrifstofuhúsnæðis við Hjúkrunarheimilið Hlíð í Austurbyggð 17 á Akureyri. Verkið er unnið fyrir hönd Félags- og húsnæðismálaráðuneytisins og felur í sér heildarlausn fyrir nýtt húsnæði.
Í útboðinu er óskað eftir aðila sem getur séð um hönnun húseininga og kerfa þeirra, smíði og flutning á verkstað, hífingu og uppsetningu, samtengingu eininga, innri og ytri frágang, og tengingu tæknikerfa við skilgreinda tengipunkta. Einnig er krafist prófana og alls þess frágangs sem nauðsynlegur er til að húsnæðið verði fullbúið og tilbúið til notkunar. Öll hönnun og bygging húsnæðisins skal uppfylla íslenska staðla og reglugerðir, þar á meðal byggingareglugerð 112/2012 og lög um aðbúnað, hollustu og öryggi á vinnustöðum. Sérstök áhersla er lögð á algilda hönnun til að tryggja aðgengi allra.
Útboðsgögn voru afhent 16. október 2026 og skilafrestur tilboða er til 16. nóvember 2026 kl. 12:00. Tilboð verða opnuð klukkan 13:00 sama dag. Um er að ræða almennt útboð sem er auglýst innanlands og innan EES svæðisins, í samræmi við lög um opinber innkaup nr. 120/2016.
Heimild: Útboðsvefur.is