Útboð: Jarðvinna fyrir Menningarhús í Skagafirði – Skilafrestur 22. maí 2026

Sveitarfélagið Skagafjörður býður út verkið Menningarhús í Skagafirði – Jarðvinna 2026, með útboðsnúmerið 46360004. Verkið snýr að jarðvinnu fyrir nýbyggingu sunnan við núverandi Safnahús við Faxatorg á Sauðárkróki. Framkvæmdir fela í sér uppgröft á óburðarhæfum jarðvegi sem verður fjarlægður og fluttur á viðurkenndan losunarstað. Að loknum uppgrefti skal komið fyrir burðarhæfri fyllingu til undirbúnings frekari byggingarframkvæmdum. Auk þess nær verkið til jarðvegsskipta vegna framkvæmda á lóð menningarhússins. Hluti jarðvatnslagna vegna hússins er innifalinn í verkinu, sem og gerð heimæða fyrir fráveitu inn á lóð hússins.

Helstu magntölur eru gröftur á lausum jarðvegi, um 7.300 m³, fyllingar, um 7.800 m³, og fráveitulagnir, 280 m. Áætlað er að framkvæmdir hefjist í lok maí 2026 og skal verkinu að fullu lokið eigi síðar en 31. júlí 2026. Skilafrestur tilboða er 22. maí 2026 kl. 12:00 og opnun tilboða er sama dag kl. 13:00. Sérstakar kröfur eru gerðar um hæfni og reynslu bjóðenda.

Útboðið er birt á: utbodsvefur.is