Utanríkisráðherrar Benelux-ríkjanna heimsóttu Hellisheiðarvirkjun

Utanríkisráðherrar Benelux-ríkjanna, þeir Maxime Prévot, Tom Berendsen og Xavier Bettel, heimsóttu Hellisheiðarvirkjun í tengslum við fundi sína hér á landi.

Sævar Freyr Þráinsson, forstjóri Orkuveitunnar, tók á móti hópnum og kynnti starfsemi fyrirtækisins. Árni Hrannar Haraldsson, framkvæmdastjóri Orku náttúrunnar, fjallaði um jarðhitanýtingu á Íslandi og starfsemi á Hellisheiði. Edda Sif Aradóttir, framkvæmdastýra Carbfix, kynnti Carbfix-tæknina.

Ráðherrarnir fóru í vettvangsferð til að kynna sér starfsemina nánar. Árni Hrannar sagði að áhugi á jarðhita og íslenskri þekkingu færi vaxandi. Hann bætti við að heimsóknir sem þessar gefi tækifæri til að miðla reynslu af nýtingu jarðhita og lausnum sem þróaðar hafa verið á Hellisheiði.

→ Lesa grein hjá ON

Heimild: on.is