Kirkja tjökkuð upp og grunnur styrktur í Lögmannshlíð

Lögmannshlíðarkirkja hefur verið tekin í notkun á ný eftir tveggja ára lokun vegna viðhalds og endurbóta. Meðal stærstu framkvæmda var að kirkjan var tjökkuð upp og grunnur hennar styrktur, en hún hafði sigið í norðausturhorni. Snorri Guðvarðsson og Kristjana Agnarsdóttir héldu utan um framkvæmdir frá upphafi.

Við endurbæturnar voru gólfin skafin og pússuð, kirkjubekkirnir teknir upp, hækkaðir og bólstraðir. Kirkjan var máluð að innan og gengið frá í kringum glugga til að koma í veg fyrir leka og trekk. Þrep prédikunarstólsins voru fjarlægð og hann færður aftur til að skapa betra rými fyrir athafnir og útsýni fyrir kirkjugesti.

Fjöldi fólks, fyrirtækja og styrktaraðila hefur unnið að endurbótum á kirkjunni. Nýr heklaður altarisdúkur var tekinn í notkun, gerður af Viktoríu Særúnu Gestsdóttur með aðstoð Ólafar Jónsdóttur og undir ráðgjöf Jennýjar Karlsdóttur.

Enn á eftir að ljúka nokkrum verkþáttum, meðal annars við altarisrýmið og utan á kirkjunni.

→ Lesa upprunalegu fréttina á Víkublaðið

Heimild: Víkublaðið