Tveir féllu á sjötta metra úr vinnupalli í miðbænum
Tveir starfsmenn slösuðust og voru fluttir á sjúkrahús eftir að vinnupallur féll í miðbæ Reykjavíkur. Mennirnir féllu um sex metra.
Tveir starfsmenn voru fluttir á sjúkrahús eftir vinnuslys í miðbæ Reykjavíkur í dag. Slysið átti sér stað upp úr klukkan eitt þegar vinnupallur féll við hús sem verið er að gera upp.
Slökkvilið höfuðborgarsvæðisins og lögreglan á höfuðborgarsvæðinu brugðust hratt við og sendu aðstoð á vettvang.
Unnar Már Ástþórsson, aðalvarðstjóri hjá lögreglunni, staðfesti að mennirnir hefðu fallið um sex metra. Ekki fengust nánari upplýsingar um meiðsli þeirra.
Heimild: RÚV