Tilkynning til íbúa vegna framkvæmda við nýja vatnsveitulögn

Orkuveita Húsavíkur hefur hafið framkvæmdir við lagningu nýrrar vatnsveitulagnar frá Grundargarði að Miðgarði. Þessar framkvæmdir eru liður í uppbyggingu og eflingu vatnsveitukerfis bæjarins með það að markmiði að auka afhendingaröryggi til framtíðar.

Samhliða vatnsveitulögninni mun RARIK leggja nýjan háspennustreng í sama skurðstæði. Þetta fyrirkomulag er valið til að lágmarka rask og nýta framkvæmdasvæðið sem best.

Áætlað er að framkvæmdirnar hefjist í byrjun september og að verktími verði um 2,5 til 3 mánuðir. Búast má við tímabundnum truflunum á umferð og aðgengi við framkvæmdarsvæðið á meðan á verkinu stendur.

Leitast verður við að halda raski í lágmarki og tryggja greiða umferð gangandi vegfarenda og ökutækja eftir því sem aðstæður leyfa. Íbúar og aðrir vegfarendur eru beiddir um að sýna aðgát á framkvæmdasvæðinu.

→ Lesa upprunaleg frétt á vef Norðurþing

Heimild: Norðurþing