Þrjár virkjanir samþykktar í orkunýtingarflokk
Alþingi hefur samþykkt breytingu á rammaáætlun þar sem þrír nýir virkjunarkostir bætast í orkunýtingarflokk.
Þrír nýir virkjunarkostir hafa verið samþykktir í orkunýtingarflokk samkvæmt breytingu á rammaáætlun. Þetta eru Tröllárvirkjun og Skúfnavatnavirkjun á Vestfjörðum, ásamt jarðvarmakostinum Bolaöldu á Hellisheiðarsvæðinu. Þessir kostir geta samanlagt skilað nærri einni terawattstund af endurnýjanlegri raforku á ári.
Jafnframt voru Hvanneyrardalsvirkjun á Vestfjörðum og Hamarsvirkjun á Austurlandi settar í biðflokk. Þessir virkjunarkostir koma til viðbótar þeim sem áður voru samþykktir í orkunýtingarflokk, Skrokköldu og Holtavirkjun. Alls geta orkukostirnir fimm skilað tæpum tveimur terawattstundum af endurnýjanlegri orku á ári.
Heimild: vb.is