Þórdís Lóa ráðin framkvæmdastjóri Félagsbústaða
Þórdís Lóa Þórhallsdóttir hefur verið ráðin framkvæmdastjóri Félagsbústaða hf. og hefur störf þann 10. ágúst. Hún býr yfir víðtækri reynslu af stjórnun og rekstri.
Þórdís Lóa Þórhallsdóttir hefur verið ráðin framkvæmdastjóri Félagsbústaða hf. og mun hefja störf þann 10. ágúst. Ráðningin byggir á mati ráðgefandi hæfnisnefndar sem taldi Þórdísi Lóu með afgerandi hætti uppfylla hæfniskröfur starfsins.
Félagsbústaðir reka og leigja út um 3.200 íbúðir í Reykjavík. Þórdís Lóa hefur víðtæka og fjölþætta reynslu af stjórnun, stefnumótun og rekstri, bæði innan opinberrar stjórnsýslu og atvinnulífs. Hún hefur gegnt lykilhlutverkum hjá Reykjavíkurborg frá árinu 2018, þar á meðal sem formaður borgarráðs og forseti borgarstjórnar.
Þórdís Lóa sat í borgarstjórn frá 2018 til 2026 og var forseti borgarstjórnar þegar Samfylkingin, Framsókn, Viðreisn og Píratar mynduðu meirihluta frá 2022 til 2025. Hún hefur einnig umfangsmikla reynslu af velferðar- og félagsmálum, starfaði sem yfirmaður öldrunarþjónustu Reykjavíkurborgar og framkvæmdastjóri þjónustusviðs á velferðarsviði borgarinnar á árunum 1997–2005. Að auki hefur hún starfað sem forstjóri og stjórnandi í atvinnulífinu og setið í fjölmörgum stjórnum félaga. Þórdís Lóa er með MBA-gráðu í rekstrarhagræði og framhaldsnám í félagsráðgjöf.
Heimild: RÚV