Tafir á framkvæmdum við fráveitu- og veitukerfi á Þingeyri

Framkvæmdir við endurnýjun fráveitu- og veitukerfis á Þingeyri hafa dregist vegna ófyrirséðra aðstæðna. Tafirnar rekja til þess að brjóta hefur þurft klöpp í skurðstæði og í ljós hafa komið eldri lagnir sem ekki lágu fyrir upplýsingar um og þarf að tengja inn á nýtt kerfi.

Þessar aðstæður hafa kallað á viðbótarvinnu og breytingar á framkvæmdaráætlun. Sem stendur er unnið við gatnamót Aðalstrætis og Hafnarstrætis og er gert ráð fyrir að þau verði opnuð fyrir umferð um 5. ágúst, eða fyrr ef aðstæður leyfa. Að því loknu færist framkvæmdasvæðið að Fjarðargötu og er áætlað að þeirri vinnu ljúki tveimur dögum síðar.

Vegna framkvæmdanna geta orðið tímabundin þrýstingsföll á vatnskerfi Þingeyrar og einnig getur komið til tímabundinna vatnslokana við framkvæmdasvæðið á meðan unnið er við tengingar og breytingar á lögnum.

Þrátt fyrir tafirnar er gert ráð fyrir að umferð um Þingeyri verði komin í eðlilegt horf vel fyrir sólmyrkva þann 12. ágúst. Framkvæmdirnar eru liður í undirbúningi fyrir fyrirhugaðar malbikunarframkvæmdir og er áætlað að malbikun hefjist innan Ísafjarðarbæjar 15. ágúst.

Vegfarendur eru beðnir um að sýna aðgát á framkvæmdasvæðinu, fylgja merkingum og virða lokanir.

→ Lesa upprunaleg frétt á vef Ísafjarðarbær

Heimild: Ísafjarðarbær