Skátarnir fá nýtt svæði á Selfossi

Sveitarfélagið Árborg og Skátafélagið Fossbúar hafa undirritað fimm ára þjónustusamning sem styður við starfsemi og uppbyggingu skátafélagsins. Samningurinn felur í sér greiðslur til Fossbúa fyrir barna- og ungmennastarf, auk þess sem félagið tekur að sér verkefni í tengslum við Sumardaginn fyrsta, 17. júní, fjölskyldugöngu og fjölskylduvöku. Einnig mun félagið vinna í samstarfi við sveitarfélagið um verkefni farsældar barna og samþættingu mála sem snúa að börnum og fjölskyldum.

Nýtt deiliskipulag hefur verið staðfest fyrir nýtt skátasvæði á grænu svæði við Sunnulækjarskóla á Selfossi. Skátafélagið mun fá svæðið til uppbyggingar á starfsemi sinni, en það verður einnig opið íbúum til afþreyingar og útivistar. Á þessu ári verður byggð upp félagsaðstaða fyrir skátastarfið og í framhaldinu útisvæðið á næstu árum. Markmiðið er að skapa útivistarsvæði sem nýtist skátastarfinu, skólum og íbúum. Bragi Bjarnason, bæjarstjóri Árborgar, og Thelma K. Kvaran, félagsforingi Fossbúa, handsöluðu samninginn.

→ Lesa upprunaleg frétt á vef Sunnlenska

Heimild: Sunnlenska