Ölduhverfi í Eyjafjarðarsveit Framkvæmdir á góðu skriði

Framkvæmdir við Ölduhverfi í Eyjafjarðarsveit eru á góðu skriði, en mynd er komin á byggingarsvæðið. Í Bogöldu, efstu götunni í hverfinu, eru fjögur raðhús, tíu einbýli og eitt fjórbýli. Neðar er gatan Suðuralda, þar sem gert er ráð fyrir raðhúsum á tveimur hæðum, samtals 25 íbúðum.

Norðurorka, Rarik, Míla og Tengir eru nú að undirbúa framkvæmdir við veitur í Bogöldu. Ölduhverfi ehf. hefur þegar lokið við að leggja drjúgan hluta af fráveitu í stofninnviði og Bogöldu að fullu. Alls er gert ráð fyrir 212 íbúðum í hverfinu, auk íbúðarhússins að Kroppi. Lóðir verða auglýstar til sölu á næstunni og mun Hvammur Fasteignasala annast söluna. Verktakar munu hefja byggingu fjölbýlishúsa í sumar. Deiliskipulag Ölduhverfis gerir ráð fyrir lágreistri, uppbrotinni og líflegri byggð, umvafin grænum svæðum sem tengja hverfið við nærliggjandi svæði. Byggðin samanstendur af tveggja hæða einbýlis-, rað- og fjölbýlishúsum sem raðað er meðfram húsgötum í hlíðinni.

→ Lesa upprunaleg frétt á vef Víkublaðið

Heimild: Víkublaðið