Starfsfólk ON á stærstu jarðhitaráðstefnu heims

Starfsfólk Orku náttúrunnar (ON) tók virkan þátt á World Geothermal Congress (WGC) sem haldin var í Calgary í Kanada. Ráðstefnan, sem fer fram á þriggja ára fresti, er mikilvægur vettvangur fyrir sérfræðinga, vísindafólk og frumkvöðla í jarðhitageiranum til að deila þekkingu og skoða ný tækifæri á alþjóðavettvangi.

Á ráðstefnunni kynnti ON íslenska reynslu af sjálfbærri nýtingu jarðhita og deildi upplýsingum um verkefni fyrirtækisins, en starfsfólk fékk einnig tækifæri til að læra af öðrum þátttakendum. Áhersla ráðstefnunnar var meðal annars á nýsköpun, þróun nýrrar tækni og hvernig jarðhiti getur stutt við orkuskipti og aukið orkuöryggi samfélaga um allan heim.

Áhugi á jarðhita fer vaxandi á heimsvísu og íslensk þekking og reynsla á þessu sviði vekur mikla athygli á alþjóðavettvangi.

→ Lesa grein hjá ON

Heimild: on.is