Sjálfbærni með í för — leiðarljós Vegagerðarinnar
Vegagerðin hefur aukið áherslu á sjálfbærni og umhverfismál, meðal annars með stofnun sérstakrar deildar og samþykkt sjálfbærnistefnu. Markmiðið er að sjálfbærni verði leiðarljós í allri starfsemi stofnunarinnar.
Vegagerðin hefur aukið áherslu á sjálfbærni og umhverfismál á síðustu árum. Stofnun umhverfis- og sjálfbærnideildar í apríl 2024 og samþykkt sjálfbærnistefnu árið 2025 marka tímamót í nálgun stofnunarinnar. Stefna Vegagerðarinnar er að sjálfbærni verði leiðarljós í öllum þáttum starfseminnar, frá undirbúningi og hönnun til framkvæmdar, reksturs og viðhalds samgöngumannvirkja.
Deild umhverfis og sjálfbærni hefur það hlutverk að móta, innleiða og fylgja eftir sjálfbærnistefnu Vegagerðarinnar og vinna að því að sjálfbærni verði sjálfsagður hluti allrar starfsemi stofnunarinnar. Starfsmenn deildarinnar sinna stefnumótun, veita ráðgjöf og stuðning, auk þess sem þeir hafa eftirlit með umhverfismálum og sjálfbærni innan stofnunarinnar. Sjálfbærnistefnunni fylgir aðgerðaáætlun með 20 tímasettum aðgerðum sem ná til allrar starfsemi Vegagerðarinnar.
Heimild: vegagerdin.is