Sjá góð tækifæri í fjármögnun
Landsvirkjun sér góð tækifæri í fjármögnun orkuvinnsluverkefna sinna vegna mikillar eftirspurnar eftir lánum í slík verkefni.
Fjármálastjóri Landsvirkjunar segir mikla eftirspurn vera eftir því að lána í orkuvinnsluverkefni fyrirtækisins, en fjárfestingar á næstu árum hlaupa á tugum milljarða. Hlutfall lána með ríkisábyrgð hefur lækkað og mun fyrirtækið síðar í mánuðinum greiða upp síðasta slíka lánið. Landsvirkjun hefur unnið markvisst að því að greiða niður skuldir og hafa vaxtakjör batnað.
Bróðurpartur lánsfjármagns kemur frá Bandaríkjunum, en fyrirtækið gaf út græn skuldabréf að fjárhæð 220 milljónir dala sem samsvara um 27 milljörðum íslenskra króna. Fjármagnið verður nýtt til virkjanaframkvæmda, meðal annars við Vaðölduver, fyrsta vindorkuver landsins. Nokkur stór verkefni eru framundan, þar á meðal stækkun Sigöldustöðvar og undirbúningur fyrir Hvammsvirkjun.
Heimild: vb.is