Samningur um Þormóðsstaðavirkjun samþykktur
Sveitarstjórn Eyjafjarðarsveitar hefur samhljóða samþykkt samning við Arctic Hydro um rannsóknar- og nýtingarleyfi vegna Þormóðsstaðavirkjunar. Þessi ákvörðun er talin hagfelld fyrir sveitarfélagið og í samræmi við framtíðarsýn sveitarfélagsins við kaup á landinu að Þormóðsstöðum.
Í tilkynningu frá sveitarfélaginu kemur fram að ef af virkjunarframkvæmdum verður muni samningurinn skapa framtíðartekjur fyrir sveitarfélagið. Jafnframt er gert ráð fyrir að hann styrki raforkuöryggi á svæðinu og auki forsendur fyrir uppbyggingu í samfélaginu með auknu framboði af orku.
Sjá nánar: mbl.is
