Reykjanesbær tekur við umsjón 1.800 fermetra stækkunar á FS

Reykjanesbær mun hafa umsjón með framkvæmdum við 1.800 fermetra stækkun á verknámshúsi Fjölbrautaskóla Suðurnesja (FS). Viljayfirlýsing um verkið var undirrituð í dag á 50 ára afmælishátíð skólans. Gert er ráð fyrir að framkvæmdir hefjist upp úr áramótum.

Undirritunin fór fram á milli Ingu Sæland, mennta- og barnamálaráðherra, og Vilhjálms Árnasonar, bæjarstjóra Reykjanesbæjar fyrir hönd sveitarfélaga á Suðurnesjum. Undirbúningur að stækkun verknámshússins hefur staðið yfir undanfarin ár.

Viljayfirlýsingin byggir á frumathugun Framkvæmdasýslu – Ríkiseigna. Reykjanesbær, fyrir hönd Sambands sveitarfélaga á Suðurnesjum, mun sjá um framkvæmdirnar.

Töf á stækkuninni olli uppnámi síðastliðið vor, þegar Kristján Ásmundsson, þáverandi skólameistari, sagði starfi sínu lausu vegna óvissu um framgang verknámsaðstöðunnar. Í kjölfarið mótmæltu nemendur og sveitarstjórnarfólk á Suðurnesjum.