Reistu verksmiðju á 69 dögum
Bandaríska nýsköpunarfyrirtækið Syntholene Energy Corp. hefur hafið rekstur tilraunaverksmiðju á Húsavík, sem byggð var upp á aðeins 69 dögum.
Bandaríska nýsköpunarfyrirtækið Syntholene Energy Corp. hefur hafið rekstur tilraunaverksmiðju á Húsavík, sem byggð var upp á aðeins 69 dögum. Verksmiðjan er á lóð Orkuveitu Húsavíkur og er sú fyrsta sinnar tegundar í heiminum sem nýti jarðvarma beint í framleiðslu á vetni með háhitarafgreiningu.
Tilgangur verkefnisins er að prófa og sannreyna nýja tækni sem gæti lækkað kostnað og orkunotkun við framleiðslu á tilbúnu eldsneyti. Á næstu mánuðum munu fara fram ítarlegar prófanir þar sem safnað verður rekstrargögnum og árangur kerfisins metinn. Ef vel tekst til gæti tæknin lagt grunn að framleiðslu samkeppnishæfs, kolefnishlutlauss eldsneytis á iðnaðarskala í framtíðinni.
Heimild: mbl.is