Rafmagnslaust í stórum hluta Mosfellsdals

Rafmagnslaust er í stórum hluta Mosfellsdals eftir að gröfumaður rændi í háspennustreng í morgun.

„Verktakinn sem gróf í strenginn, hann lét okkur vita sem við kunnum að meta,“ segir Silja Ingólfsdóttir, upplýsingafulltrúi Veitna.

Rafmagnsleysið er því algjörlega ótengt rafmagnsleysi sem varð í stórum hluta Mosfellsbæjar í gærkvöld.

Hún telur að viðgerð taki skamma stund. „Af því að við vitum nákvæmlega hvar bilunin er þá getum við örugglega unnið þetta hratt.“

Silja bendir á undirsíðu á vef Veitna þar sem gefin eru góð ráð sem vert er að hafa í huga áður en byrjað er að grafa í jörð.

„Það er alltof algengt að þetta gerist. Það er svo mikilvægt að fólk kynni sér þetta áður en það fer að grafa því að grafa í háspennustreng getur verið mjög hættulegt.“

→ Lesa upprunaleg grein á RÚV

Heimild: RÚV