Yngsti rafvirki landsins útskrifaður frá VMA
Ómar Magni Halldórsson fékk sveinsbréf í rafvirkjun afhent við hátíðlega athöfn í Menningarhúsinu Hofi. Hann er aðeins 17 ára gamall og er sagður vera yngsti rafvirki í sögu Íslands sem fær sveinsbréf í faginu, samkvæmt frétt á vefsíðu Verkmenntaskólans á Akureyri (VMA).
Ómar Magni Halldórsson fékk sveinsbréf í rafvirkjun afhent við hátíðlega athöfn í Menningarhúsinu Hofi. Hann er aðeins 17 ára gamall og er sagður vera yngsti rafvirki í sögu Íslands sem fær sveinsbréf í faginu, samkvæmt frétt á vefsíðu Verkmenntaskólans á Akureyri (VMA).
Ómar Magni hóf nám í rafvirkjun við VMA haustið 2023, tæplega 15 ára gamall. Hann lauk námi síðastliðið vor og tók sveinspróf í júní, skömmu eftir útskrift. Á meðan á náminu stóð safnaði hann reynslu og verkefnum sem krafist er fyrir ferilbók. Hann starfar hjá Rafeyri á Akureyri.
Alls fengu 19 rafvirkjar og fjórir rafeindavirkjar sveinsbréf sín afhent við athöfnina. Meirihluti rafvirkjanna og allir rafeindavirkjarnir luku námi sínu við VMA.
Samhliða þessu heimsóttu Þór Pálsson, framkvæmdastjóri Rafmenntar, og Hafdís Reinaldsdóttir, skrifstofustjóri Rafmenntar, rafdeild VMA og færðu nýnemum vinnubuxur. Gjöfin er frá Rafmennt, Rafiðnaðarsambandi Íslands og Samtökum rafverktaka.
→ Lesa upprunalegu fréttina á Akureyri.net
Heimild: Akureyri.net