Ólafur S. Einarsson ráðinn framkvæmdastjóri Hitatækni og Fríorku
Ólafur S. Einarsson hefur verið ráðinn framkvæmdastjóri Hitatækni ehf. og Fríorku ehf. Ólafur hefur víðtæka reynslu af stjórnun í tæknidrifnu umhverfi, en hann starfaði sem framkvæmdastjóri KONE á Íslandi í tæp tuttugu ár og leiddi þar uppbyggingu félagsins.
Áður starfaði Ólafur hjá Siemens Wind Power þar sem hann stýrði stórum verkefnum á sviði iðnaðar og orkutækni, samkvæmt tilkynningu. Hann er með MBA-gráðu frá Háskólanum í Reykjavík og býr yfir tæknilegum bakgrunni í bygginga- og framkvæmdastjórnun.
Hitatækni og Fríorka sérhæfa sig í loftræstingum, orku- og hitalausnum. Félögin leggja áherslu á að mæta aukinni eftirspurn eftir sjálfbærni og rekstraröryggi með faglegri ráðgjöf og heildarlausnum, segir enn fremur í tilkynningunni.
Sjá nánar: mbl.is
