Nýtt hjúkrunarheimili á Akureyri
Reitir hafa samið við Framkvæmdasýsluna – Ríkiseignir um uppbyggingu nýs hjúkrunarheimilis á Akureyri. Alls bárust tíu tilboð í útboðið.
Hjúkrunarheimilið verður byggt við Þursaholt 6, verður um 9.100 fermetrar og mun rúma 140 íbúa. Að framkvæmdum loknum tekur við 25 ára leigusamningur milli Reita og Ríkiseigna.
Reitir munu annast rekstur húsnæðisins en Ríkiseignir fela öðrum rekstur hjúkrunarheimilisins. Hjúkrunarheimilið verður byggt með samblandi af forsmíðuðum og forsteyptum einingum í samstarfi við Art-Verk ehf. til að stytta framkvæmdatímann.
Heimild: mbl.is