Ný verkstæðis- og lagerbygging rís á Hellisheiði
Verkefnið felur í sér byggingu nýs verkstæðis og lagerhúsnæðis á Hellisheiði til að bæta starfsaðstöðu og skilvirkni. Framkvæmdir eru hafnar og stefnt er að reisa fyrsta stálbitann í lok september.
Ný verkstæðis- og lagerbygging er í smíðum á Hellisheiði. Útboðum fyrir jarðvinnu, undirstöður og reisingu hússins er lokið, þar sem D. Ing annast jarðvinnu og Eykt sér um steyptar undirstöður og byggingu stálgrindarhússins. Lokahönnun stálvirkis og tæknikerfa er í fullum gangi.
Verkefnið miðar að því að skapa öruggara og skilvirkara vinnuumhverfi og bæta aðstöðu starfsfólks. Lagerstarfsemi á svæðinu verður sameinuð í eitt húsnæði, en hún er nú dreifð á níu staði. Þetta mun auka skilvirkni, einfalda verkferla og styðja við betri þjónustu og afköst.
Framkvæmdir fela í sér sérstakar áskoranir, svo sem jarðvegsskipti á um 35.000 rúmmetrum af efni og að taka mið af krefjandi veðurskilyrðum. Verkefnið er í höndum teymis kvenna frá ON, þar sem Guðrún er verkefnastjóri og Birna er eigandi verkefnisins.
Heimild: on.is