Ný heitavatnshola boruð í Kaldárholti

Veitur hafa hafið borun eftir nýrri heitavatnsholu í Kaldárholti. Markmiðið er að styrkja Rangárveitu, sem annast hitaveitu á meðal annars Hellu og Hvolsvelli, og mæta vaxandi þörf fyrir heitt vatn í samfélaginu.

Nýja borholan verður um 800 metra djúp og er ætlað að auka vinnslugetu jarðhitakerfisins við Kaldárholtslæk. Fyrir eru tvær borholur á svæðinu, um 500 metra djúpar, sem skila samanlagt um 100 lítrum á sekúndu af 65°C heitu vatni.

Borun fer fram í júlí og við hana er notast við hringrásarkerfi þar sem skolvatn er endurnýtt eftir að grófasta efnið hefur verið síað frá. Veitur hafa leyfi til að veita skolvatni í Kaldárlæk en stefna að lágmarks notkun þess, einungis ef aðrar leiðir duga ekki. Fyrir borun verða gerðar rannsóknir á lífríki og umhverfi í nágrenni borstaðar og stöðugt eftirlit verður haft með svæðinu meðan á framkvæmdum stendur.

→ Lesa upprunaleg frétt á vef Sunnlenska

Heimild: Sunnlenska