Nokkrir mánuðir í að niðurrif hefjist
Niðurrif stúkumannvirkisins við Laugardalslaug mun ekki hefjast fyrr en eftir nokkra mánuði, að sögn skrifstofustjóra á skrifstofu framkvæmda og fasteignaþjónustu hjá Reykjavíkurborg.
Undirbúningur verkefnisins er á frumstigum og á borgin eftir að fara í gegnum innri ferla áður en kemur að innkaupum og samningum við verktaka.
Fimm heitum pottum sunnan stúkunnar, eimbaði og tveimur sérklefum var lokað vegna nýs áhættumats, en ástand mannvirkisins er bágborið vegna alkalí- og tæringarskemmda í steypu og burðarvirki. Unnið er að aðgerðaáætlun um niðurrif mannvirkisins í samráði við ráðgjafa.
Heimild: mbl.is