Rannsoknahus Mai 2026

Framkvæmdir við nýtt rannsóknahús færast nú í nýjan fasa, en vinna við uppsetningu útveggjakerfis er hafin á öllu húsinu. Samhliða því er unnið að lokafrágangi á stálvirki flóttastigahúss og lagfæringum á þakplötu, sem greiðir leið fyrir þakverktaka að hefja störf.

Árni Kristjánsson, staðarverkfræðingur hjá NLSH, segir framkvæmdir ganga af fullum krafti. Að loknum núverandi verkþáttum stendur aðeins eftir uppsetning stálvirkis fyrir þakglugga í miðrými hússins áður en uppsteypuverki lýkur að fullu.

Áhersla næstu missera verður áfram á lokun hússins með uppsetningu útveggja og frágangi þaka. Á sama tíma er undirbúningur fyrir innri frágang og uppsetningu tæknikerfa þegar kominn vel á veg.

→ Lesa alla greinina á nlsh.is

Heimild: Nýr Landspítali (nlsh.is)