Myndir: Túnþökur lagðar á tjaldsvæðinu í Ólafsfirði

Túnþökur hafa verið lagðar á tjaldsvæðið í Ólafsfirði í vikunni. Framkvæmdir hafa staðið yfir á svæðinu undanfarið þar sem unnið hefur verið að endurbótum á frárennsli og yfirborðsvatnsstýringu, auk lagfæringa á almennri aðstöðu.

Með lagningu túnþakanna er svæðið nú komið í grænni og snyrtilegri búning.

Einnig var settur upp ljósastaur við Aðalgötu í Ólafsfirði í vikunni. Uppsetningin er liður í þriðja áfanga verkefnisins „Þjóðvegur í þéttbýli“, sem er samstarf Vegagerðarinnar og Fjallabyggðar. Verkefnið felur í sér færslu og uppsetningu 19 ljósastaura við Aðalgötu og Ólafsfjarðarveg.

Guðmundur Ingi Bjarnason tók myndir af framkvæmdunum.

→ Lesa upprunaleg frétt á vef Trölli

Heimild: Trölli