Munur á mati og söluverði veldur tregðu á markaði
Fasteignamat sem endurspeglar ekki lengur raunverulega stöðu á markaði getur hægt á fasteignaviðskiptum og gert seljendum erfiðara fyrir að lækka ásett verð.
Fasteignamat hefur áhrif á almenning, hvort sem okkur líkar betur eða verr. Það skiptir máli sem skattstofn og viðmið fyrir lánastofnanir, en hefur einnig huglæg áhrif.
Úttekt bendir til þess að þriðjungur fullbúinna íbúða í fjölbýli á höfuðborgarsvæðinu hafi selst undir fasteignamati á öðrum ársfjórðungi. Í júní einum fór hlutfallið í 36,2%. Þegar markaðurinn kólnar getur fasteignamat, sem byggir að hluta á eldri markaðsupplýsingum, farið að vinna gegn eðlilegri verðmyndun. Seljendur horfi þá til opinbers mats sem gefi til kynna hærra verð, á sama tíma og raunveruleg eftirspurn kalli á lægra ásett verð.
Heimild: vb.is