„Mín trú að við séum núna að horfa á toppinn“
Efnahags- og fjármálaráðherra, Daði Már Kristófersson, telur að verðbólgan sé að ná sínum hámarki og að efnahagsstjórnin sé á réttri leið. Hann ræddi stöðuna í Kastljósi.
Daði Már Kristófersson, efnahags- og fjármálaráðherra, skilur vel að fólk sé pirrað yfir því hversu langan tíma það taki að ná verðbólgu niður. Hann segir að baráttan við verðbólguna snúist um tiltrú á efnahagsstjórninni og að hann trúi því sjálfur að það horfi í rétta átt.
Daði Már var gestur Kastljóss í kvöld.
Hann segir ríkisstjórnina hafa lagt mikla áherslu á hallalaus fjárlög, stefnu sem hefur verið gagnrýnd meðal annars með tilliti til gjaldskrárhækkana og kílómetragjalds á bifreiðum.
Daði Már segir að staðan á húsnæðismarkaði valdi sér áhyggjum. Bakslag í framleiðslu á húsnæði þýði að ekki verði til húsnæði þegar efnahagurinn batnar, sem leiði til verðhækkana og verðbólgu.
Hann vill þó ekki meina að vaxtahækkun Seðlabankans hafi ekki verið skynsamleg.
Heimild: RÚV