Mikilvægur áfangi fyrir Norðurland og landið allt
Fyrsta skóflustungan að nýrri legudeild Sjúkrahússins á Akureyri verður tekin í dag. Þetta er mikilvægur áfangi fyrir sjúkrahúsið, starfsfólkið og samfélagið allt.
Ný legudeild mun bæta aðstæður sjúklinga og starfsfólks til muna og skapa betri ramma um þjónustu, umönnun og faglegt starf.
Sjúkrahúsið á Akureyri er kennslusjúkrahús og góð aðstaða eykur möguleika á að laða að og halda í ungt og vel menntað fólk sem sér framtíð sína á Norðurlandi. Uppbygging SAk er fjárfesting í framtíðinni og þá sérstaklega í öryggi íbúa, sterkari byggðum og heilbrigðiskerfi sem þjónar landinu öllu.
Heimild: vikubladid.is