Malbikun seinkað vegna veðurs

Malbikunarframkvæmdum á Suðurlandsvegi, við Bitru í Flóahreppi, seinkar til klukkan 9:30 í dag vegna veðurs.

Upphaflega var áætlað að framkvæmdirnar færu fram í nótt og fram á morgun. Colas sér um verkið.

Framkvæmdir halda áfram í kvöld, fimmtudagskvöldið 13. ágúst, frá klukkan 21:00 til 07:00 samkvæmt áætlun.

Á meðan á framkvæmdum stendur er annarri akreininni lokað á um 1,3 kílómetra kafla við Bitru. Hliðavegir eru lokaðir tímabundið þegar farið er framhjá framkvæmdasvæðinu.

Umferð verður stýrt framhjá vinnusvæðinu og merkingar settar upp til að tryggja öryggi. Vegfarendur eru beðnir um að virða merkingar og hraðatakmarkanir og sýna aðgát þar sem vinnusvæðin eru þröng og menn og tæki starfa nálægt akstursbrautum.

→ Lesa upprunaleg frétt á vef Sunnlenska

Heimild: Sunnlenska