Malbikað í tvo daga austan við Selfoss
Vegagerðin mun malbika Suðurlandsveg austan við Selfoss dagana 10. og 11. ágúst. Ein akrein verður lokuð á meðan framkvæmdum stendur.
Vegagerðin hyggst malbika Suðurlandsveg austan við Selfoss mánudaginn 10. ágúst og þriðjudaginn 11. ágúst.
Framkvæmdirnar munu hafa þau áhrif að önnur akrein verður lokuð sitthvorn daginn á kaflanum milli Skeggjastaða og Kjartansstaða. Áætlað er að framkvæmdir standi yfir frá klukkan 8:00 til 20:00 báða dagana.
Umferð verður stýrt framhjá framkvæmdasvæðinu með merkingum. Vegfarendur eru beðnir um að virða merkingar og hraðatakmarkanir og sýna aðgát þar sem vinnusvæðin eru þröng og menn og tæki verða nálægt akstursbrautum.
→ Lesa upprunaleg frétt á vef Sunnlenska
Heimild: Sunnlenska