Lofa að svarf berist ekki aftur í Varmá
Veitur og Mosfellsbær héldu íbúafund vegna borframkvæmda í Skammadal. Lofað var að borinn yrði ekki ræstur á ný nema tryggt væri að svarf berist ekki í Varmá.
Íbúafundur var haldinn í Mosfellsbæ vegna borframkvæmda í Skammadal. Veitur og Mosfellsbær stóðu fyrir fundinum.
Andrés Skúlason, verkefnastjóri hjá Landvernd, sat fundinn og segist vera ánægður með að Veitur ætli sér ekki að ræsa borinn á ný nema tryggt sé að svarf berist ekki í Varmá. Hann segir svör Veitna að mörgu leyti hafa verið ásættanleg á fundinum en telur þó að sérfræðingar hafi reynt að draga úr umfangi skaðans og áhrifum hans á lífríkið. Hann segir jafnframt að það hafi komið sér á óvart hversu margir mættu á fundinn og létu málið sig varða.
Heimild: mbl.is