Líf að færast í Holuna á Húsavík
Jarðvegsvinna er hafin við nýtt hjúkrunarheimili á Húsavík, sem mun hýsa 60 ný hjúkrunarrými.
Jarðvegsvinna er hafin við nýtt hjúkrunarheimili á Húsavík. Heimilið verður rúmlega 4.000 fermetrar að stærð og mun hýsa 60 ný hjúkrunarrými. Hönnun heimilisins er í höndum HJARK arkitekta. Framkvæmdasýslan – Ríkiseignir samdi við Pekron ehf. og Rafklett ehf. um verkefnið. Byggingin verður reist með stálgrindartækni.
Verktími er áætlaður 12 mánuðir. Grunnurinn var grafinn árið 2021. Vinnuvélar Eyþórs ehf. sjá um jarðvegsframkvæmdir. Steypuhluti verkefnisins verður boðinn út á næstu dögum.
Heimild: vikubladid.is