Leggja til verulega hert skilyrði fyrir vindorkuver
Meirihluti umhverfis- og samgöngunefndar Alþingis leggur til hert skilyrði fyrir vindorkuver, meðal annars hvað varðar staðsetningu og stöðugleika í framleiðslu.
Meirihluti umhverfis- og samgöngunefndar Alþingis leggur til að vindorku verði sniðinn þrengri stakkur. Í nefndaráliti með breytingartillögu um frumvarp til laga um breytingu á lögum um verndar- og orkunýtingaráætlun, er vindorka færð undir skýran lagaramma rammaáætlunar.
Meirihluti nefndarinnar leggur til að lögfest verði krafa um að vindorkuver séu staðsett „nærri tengivirkjum og flutningslínum“. Einnig er lagt til að ráðherra verði falið að útlista í reglugerð að vindorkuver þurfi að sýna fram á að þau hafi aðgengi að nauðsynlegri jöfnunarorku til að tryggja stöðugt flæði í dreifikerfinu.
Heimild: mbl.is