Laxey sækir 6,7 milljarða í nýtt hlutafé

Laxey hefur lokið 6,7 milljarða króna hlutafjárútboði sem mun fjármagna næsta áfanga í uppbyggingu félagsins í Vestmannaeyjum. Fjármagnið verður nýtt til að ljúka þriðja áfanga félagsins og til byggingar fyrsta áfanga Seiðastöðvar II. Upphaflega var stefnt að því að sækja 5,8 milljarða króna, en eftirspurn eftir hlutum í útboðinu var mun meiri en framboð. Langstærstur hluti fjármögnunarinnar kom frá núverandi hluthöfum Laxeyjar, en nýir fjárfestar bættust einnig í hópinn.

Frá stofnun hefur Laxey nú aflað um 29 milljarða króna í hlutafé, sem hefur lagt traustan grunn fyrir áframhaldandi uppbyggingu félagsins. Samhliða hlutafjárútboðinu hefur Laxey undirritað skuldbindandi skilmálablað vegna sambankaláns sem DNB Carnegie hafði umsjón með. Lánveitendur eru DNB, Rabobank og Arion banki, auk þess sem Eksfin tekur þátt. Fjármögnunin verður nýtt til endurfjármögnunar núverandi skulda og til að fjármagna næsta áfanga í uppbyggingu félagsins. Gert er ráð fyrir að fjármögnuninni verði lokað fyrir lok september 2026.

Uppbygging Laxeyjar við Viðlagafjöru heldur áfram með áform um 35 þúsund tonna landeldi á laxi.

→ Lesa upprunaleg frétt á vef Eyjafréttir

Heimild: Eyjafréttir