Langanesbyggð, Þórshöfn – Harðviðarbryggja 2026

Vegagerðin óskar eftir tilboðum í verkið „Langanesbyggð, Þórshöfn – Harðviðarbryggja 2026“, með útboðsnúmer 26-098. Útboðsgögn voru afhent 4. september 2026. Skilafrestur tilboða er 22. september 2026 kl. 14:00 og opnun tilboða fer fram kl. 14:15 sama dag.

Verkið felur í sér jarðvinnu, þar á meðal gröft fyrir landvegg, fyllingu og endurröðun á grjótvörn. Steypa skal 89 metra langan landvegg. Fjarlægja þarf 30 núverandi staura og reka niður 30 nýja bryggjustaura úr harðviði. Byggja skal alls um 490 fermetra bryggju úr harðviði og setja upp 52 stykki DD250 þybbur á bryggjuna. Verkinu skal lokið eigi síðar en 1. september 2027. Tilboðum skal skila rafrænt í TendSign útboðskerfinu. Eftir lok tilboðsfrests verður bjóðendum tilkynnt um nöfn bjóðenda, heildartilboðsupphæð og hvort tilboð sé sett fram sem frávikstilboð.

Útboðið er birt á: utbodsvefur.is