Landsvirkjun gerir samninga upp á 9,5 milljarða
Landsvirkjun hefur gengið frá samningum við tvo verktaka vegna stækkunar Sigöldustöðvar, Ístak og DSD Noell GmbH, fyrir samtals um 9,5 milljarða króna án virðisaukaskatts.
Samningurinn við Ístak er upp á tæplega 7,5 milljarða króna og felur í sér byggingu helstu mannvirkja vegna stækkunarinnar, þar á meðal viðbyggingar fyrir nýja vélasamstæðu og nýja þrýstipípu.
Samningurinn við þýska fyrirtækið DSD Noell GmbH er upp á tæpa 2 milljarða króna og nær til rista, loka og fallpípu. Þessar framkvæmdir eru lykilþáttur í stækkun Sigöldustöðvar sem mun auka uppsett afl hennar úr 150 MW í 215 MW.
Heimild: mbl.is