Lagningsmistök ollu tjóni á nýrri vatnslögn til Vestmannaeyja

Subsea7, fyrirtækið sem lagði nýja vatnslögn milli lands og Vestmannaeyja í sumar, hefur viðurkennt að tjón á lögninni megi rekja til mistaka við lagninguna. Þetta kemur fram á vef Vestmannaeyjabæjar.

Í skýrslu frá Subsea7 kemur fram að ferlar um borð hafi ekki tryggt að útlagningin héldist innan öryggismarka. Tjónið var rætt á fundum stýrihóps um vatnslagnir og bæjarráðs í vikunni.

Vestmannaeyjabær var með bestu mögulegu tryggingar fyrir verkinu. Næstu vikur fara í að meta tjónið og koma verkefninu í þann farveg að koma nýrri lögn milli lands og Eyja.

Lögnin sem skemmdist í sumar átti að koma í stað eldri vatnslagnar sem skemmdist fyrir þremur árum þegar skip missti út akkeri.

→ Lesa upprunalegu fréttina á RÚV

Heimild: RÚV · Endursagt af Bragga