Krónan í Lindum opnaði á nýjan leik
Krónan í Lindum hefur opnað aftur eftir níu vikna viðamiklar endurbætur. Verslunin er stærsta verslun Krónunnar og hafa verið gerðar umfangsmestu endurbætur sem fyrirtækið hefur ráðist í til þessa.
Krónan í Lindum opnaði aftur í dag eftir viðamiklar endurbætur sem staðið hafa yfir í um níu vikur. Verslunin er stærsta verslun Krónunnar, rúmlega 3.200 fermetrar að stærð, og um er að ræða umfangsmestu endurbætur sem fyrirtækið hefur ráðist í til þessa.
Meðal annars hafa verið settir upp nýir sjálfsafgreiðslukassar, sem eru nú 15 talsins, og er einn þeirra hannaður með gott aðgengi fyrir sjóndapra og notendur hjólastóla í huga.
Heimild: mbl.is